Satıraltı Meal (1534) · MealMerkezi.Net

1

Bu bīzārlıḳdur Tañrı Ta‘ālādan, daḫı resūlinden. Ol kişiler ki ‘ahd eyle‐düñüz müşrik kāfirlerden, Allāh bīzārdur alardan.

S. Meal (1534) 9:1

2

Pes yürüñüz yir yüzinde dört ay mühlet size. Daḫı bilüñüz ki siz ‘ācizeylemezsiz Tañrı Ta‘ālā[yı]. Daḫı Tañrı Ta‘ālā rüsvāy idicidür kāfirleri.

S. Meal (1534) 9:2

3

Bildürmekdür Tañrı Ta‘ālādan daḫı resūlinden kişilere ḳurbān bayramıgüninde ki Tañrı Ta‘ālā bīzārdur müşrik kāfirlerden ve resūli daḫı bīzārdur. Eger tevbe eyleseñüz ol size ḫayrludur ve eger yüz ḳaytarsañuz tev‐beden, bilüñüz ki siz ‘āciz idemezsiz Tañrı Ta‘ālā[yı]. Daḫı muştıla kāfirle‐re yürekler acıdıcı ‘aẕābı.

S. Meal (1534) 9:3

4

Līkin ol kişiler ki ‘ahd eyledüñüz anlar‐ıla müşrik kāfirlerden, andan ṣoñrahīç bozmadılar sizüñ ‘ahdüñüzi, daḫı yardım eylemediler sizüñ düşmanla‐ruñuzdan hīç kimseye sizüñ üstüñüze. Pes tamām eyleñüz anlara ‘ahdleri‐ni müddedleri tamām olınca. Tañrı Ta‘ālā sever müttaḳīleri.

S. Meal (1534) 9:4

5

Pes ḳaçan dükense ḥarām aylar, pes öldürüñüz müşrik kāfirleri her ḳandabulsañuz. Daḫı dutuñuz anları esīr idüñüz, daḫı ḥabs eyleñüz anları ve otu‐ruñuz anlar‐çun her gözedecek yirde. Pes eger tevbe eyleseler ve durġursa‐lar namāzı, daḫı virseler zekātı ḳoyı virüñüz anları. Taḥḳīḳ Tañrı Ta‘ālāyazuḳlar baġışlayıcıdur, raḥmet idicidür.

S. Meal (1534) 9:5

6

Eger bir kişi müşriklerden amān istese senden, pes aña amān vir,ḥattā Tañrı Ta‘ālā kelāmın işidince. Andan ṣoñra yitişdür anı imin olacaḳyire. Ol anuñ‐çundur ki anlar bir ḳavmdür ḥaḳḳı bilmezler.

S. Meal (1534) 9:6

7

Nice olaçaḳdur müşriklerüñ ‘ahdi Tañrı Ta‘ālā ḳatında ve peyġamberḳatında? Līkin ol kişiler ‘ahd eyledi‐siz Ka‘be ḳatında. Mādām ki duralar‘ahd üzerine siz daḫı duruñuz vefā eylemege. Tañrı Ta‘ālā sever müttaḳīleri.

S. Meal (1534) 9:7

8

Anlar ‘ahd üstine durmaḳ ıraḳdur sizüñ üstüñüze. Ri‘āyet eylemezler siz‐den and içmegi, ‘ahd eylemegi. Rāżī iderler sizi aġızları‐y‐la, yüreklerimen‘ ider aġızları‐la söyledüklerini. Daḫı anlaruñ çoġı fāsıḳlardur.

S. Meal (1534) 9:8

9

Ṣatdılar Tañrı Ta‘ālā āyetlerini az bahā‐y‐ıla, daḫı ḫalḳı yıġdılar TañrıTa‘ālā yolından. Anlar ne yaman işler işlerlerdi.

S. Meal (1534) 9:9

10

Ri‘āyet eylemezler mü’minler ḥaḳḳında and içmegi, ‘ahd eylemegi. Daḫı anlar ẓālimler‐durur, kāfirler‐durur.

S. Meal (1534) 9:10

11

Pes eger tevbe eyleseler, namāzı durġursalar, zekātı virseler, pes sizüñḳardaşlaruñuzdur dīnde. Daḫı bellü ider‐biz āyetleri bir ḳavme ki bilürler.

S. Meal (1534) 9:11

12

Daḫı eger bozsalar andlarını ‘ahd eyledükden, daḫı ṭa‘n eyleseler dīnüñüz‐de, pes ṣavaş eyleñüz uluları‐la küfr ehlinüñ. Taḥḳīḳ anlaruñ ‘ahdleriyoḳdur, ola kim anlar ḳaytalar.

S. Meal (1534) 9:12

13

Niçün ṣavaş eylemezsiz bir ḳavm‐ile ki andlarını bozarlar? Daḫı ḳaṣd eyle‐diler peyġamberi Medīneden çıḳarmaġa. Daḫı anlar başladılar sizüñledüşmanlıġa evvelde. Anlardan ḳorḳar mısız? Allāhdan ḳorḳmaḳ vācibdür size,eger siz mü’minler‐iseñüz.

S. Meal (1534) 9:13

14

Ṣavaş eyleñüz anlar‐ıla. ‘Aẕāb ider Tañrı Ta‘ālā anlara sizüñ ellerüñüz ile.Daḫı rüsvāy ider anları ṣındurmaġ‐ıla ve size nuṣret virür anlar üstine. Şifāvirür yüreklerine mü’minlerüñ.

S. Meal (1534) 9:14

15

Daḫı giderür yüreklerinüñ ġamını, daḫı tevbe virür Tañrı Ta‘ālākime dilese. Daḫı Tañrı Ta‘ālā her nesneyi bilicidür, ḥikmetler issidür.

S. Meal (1534) 9:15

16

Siz ṣanur mısız ki terk olasız bilmeyince Tañrı Ta‘ālā, sizden ġazālıḳ eyle‐yenleri, daḫı idinmeyenleri Tañrıdan özge, resūlu’llāhdan özge, daḫımü’minlerden özge ṣıġınacaḳ, arḳa dutınacaḳ. Daḫı Tañrı Ta‘ālā bilicidürsiz işlegen işleri.

S. Meal (1534) 9:16

17

Yoḳdur kāfirlere ‘imāret eylemek Tañrı evini, ṭanuḳlar‐iken nefsleri üstinekāfirlıḳ bile. Anlaruñ ‘amelleri bāṭıl oldı, daḫı anlar cehennemde ebedīḳalurlar.

S. Meal (1534) 9:17

18

‘İmāret eylemez Tañrı Ta‘ālā mescidlerini, illā īmān getürenler Tañrı Ta‘ālāya daḫı ḳıyāmet günine daḫı namāzı durġuran ve zekātı viren. Daḫı ḳorḳmañ illā Tañrı Ta‘ālādan. Ola kim anlar olalar hidāyet üstine olanlardan.

S. Meal (1534) 9:18

19

Berāber mi ḳılduñuz ḥācīlere ṣu içürmegi daḫı Ka‘beyi ‘imāret eyle‐megi. Īmān getürmek gibi Tañrı Ta‘ālā, daḫı ḳıyāmet günine; daḫı ġazālıḳeylemek gibi Allāh yolında, berāber olmazlar Tañrı Ta‘ālā ḳatında. Daḫı TañrıTa‘ālā doġru yol göstermez ẓālimlere.

S. Meal (1534) 9:19

20

Ol kişiler ki īmān getürdiler, daḫı hicret itdiler, daḫı ġazālıḳ eylediler Allāhyolında mālları bile ve nefsleri bile. Menzilleri yücerekdür Allāh ḳatında. Daḫıanlar ulu sa‘ādete yitişenlerdür.

S. Meal (1534) 9:20

21

Beşāret eyle anlara Çalapları raḥmeti bile daḫı rāżīlıġı bile daḫı cennetleri‐y‐le ki anda ni‘metler dāyim durur, zāyil olmaz.

S. Meal (1534) 9:21

22

Ebedī ḳalurlar anda, hīç andan çıḳmazlar. Tañrı Ta‘ālā ḳatında ulu müzdvardur anlara.

S. Meal (1534) 9:22

23

İy īmān getüren kişiler, idinmeñ atalaruñuzı daḫı ḳardaşlaruñuzı dostlar,eger sevseler küfri īmān üzerine. Daḫı kim dost idinse anları sizden,pes anlar ẓālimlerdür.

S. Meal (1534) 9:23

24

Eyit yā Muḥammed: Eger sizüñ atalaruñuz, daḫı oġlanlaruñuz, daḫı ḳar‐daşlaruñuz, daḫı ‘avratlaruñuz, daḫı ḳarāyiblerüñüz, daḫı ol māllar ki ḳazan‐duñuz anı bāzergānlıḳlar ki ḳorḳarsız ziyānından, daḫı sākin olacaḳ yirlersevgülü olsa size Tañrı Ta‘ālādan, daḫı peyġamberinden, daḫı ġazālıḳ ey‐lemekden Allāh yolında, pes ṣaḳlaşuñuz ḥattā gelince Tañrı Ta‘ālā buyruġı. Daḫı Tañrı Ta‘ālā hidāyet virmez bir ḳavme ki fāsıḳlardur.

S. Meal (1534) 9:24

25

Taḥḳīḳ nuṣret virdi size Tañrı Ta‘ālā çoḳ yirlerde, Ḥuneyn güninde. Daḫısiz begendügüñüz vaḳt sizüñ çeriñüz çoḳluġını, pes size hīç aṣṣı eylemediol çoḳluḳ. Daḫı ṭar oldı sizüñ üstüñüze yir bunca geñişlig‐ile. Andan ṣoñra arḳa ḳaytarup ḳaçasız.

S. Meal (1534) 9:25

26

Andan ṣoñra indürdi Tañrı Ta‘ālā sākin olmaġı resūlu’llāh üstine, mü’minler üstine. Daḫı indürdi feriştehler çerisini ki siz anı görmedi‐siz. Daḫı‘aẕāb eyledi kāfir olanları, daḫı ol cezāsıdur kāfirlerüñ.

S. Meal (1534) 9:26

27

Daḫı tevbe virdi Tañrı Ta‘ālā andan ṣoñra kime dilese tevfīḳ‐ile. Daḫı TañrıTa‘ālā yazuḳlar baġışlayıcıdur, raḥmet idicidür.

S. Meal (1534) 9:27

28

İy īmān getüren kişiler, taḥḳīḳ müşrikler murdārdur. Pes yaḳın olmasunlarKa‘beye bu yıllarından ṣoñra. Eger faḳīrlıḳdan ḳorḳsañuz bay eyleyiser siziTañrı Ta‘ālā fażl kereminden eger dilese. Taḥḳīḳ Tañrı Ta‘ālā her nesneyibilicidür, ḥikmetler issidür.

S. Meal (1534) 9:28

29

Ṣavaş eyleñüz ol kişiler‐ile ki īmān getürmezler Tañrı Ta‘ālāya, ne daḫıḳıyāmet günine, ne daḫı ḥarām iderler Tañrı Ta‘ālā ḥarām itdügi nesneleri,daḫı resūlu’llāh ḥarām eylegeni, ne daḫı dīn idinürler ḥaḳ dīni kim İslāmdīnidür ve ol kimselerden ki kitāb virildi anlara, ḥattā cizye virince elleri‐y‐le ẕelīllik bile.

S. Meal (1534) 9:29

30

Eyitdi Yehūdīler: ‘Üzeyr Allāhuñ oġlıdur didiler. Daḫı eyitdi Naṣrānīler: ‘Īsā Tañrınuñ oġlıdur didiler. Ol anlaruñ ḳavlidür. Aġızları‐y‐la oḫşadurlarsözlerini özlerinden burun olan kāfirler ḳavline. Helāk eylesün anları TañrıTa‘ālā. Niçün yalan söylerler?

S. Meal (1534) 9:30