Satıraltı Meal (1534) · MealMerkezi.Net

1

İy īmān getüren kişiler, tamām eyleñüz ‘aḳdleri. Ḥalāl oldı size barça ḥayvānlar, līkin ol oḳunur üstüñüze ḥalāl olmaz size av avlamaḳ siziḥrām geygen[de]. Taḥḳīḳ Tañrı Ta‘ālā ḥükm eyler ne ki dilese.

S. Meal (1534) 5:1

2

İy īmān getüren kişiler, ḥalāl görmeñüz Tañrı Ta‘ālā ḥarām eyledügi nesne‐leri, ḳurbānları daḫı ḥalāl görmeñüz, Mekketu’llāha ḳaṣd eyleyenleri öl‐dürmegi daḫı ḥalāl görmeñüz, isterler ki Tañrı Ta‘ālānuñ keremi[n], rāżılıġındaḫı isterler. Ḳaçan iḥrāmdan çıḳsañuz av avlañuz, daḫı sizi yamanlıġa bı‐raḳmasun bir ḳavm yamanlıḳ eylemegi ki men‘ eylediler sizi Mekke‐tu’llāhdan, ta‘addī eylemeñüz biri birüñüze, yardım idüñüz yaḫşılıḳ üstine,taḳvā üstine, daḫı biri birüñüze yardım eylemeñüz yamanlıḳ üstine, düş‐manlıḳ üstine daḫı, daḫı Tañrıdan ḳorḳuñuz. Taḥḳīḳ Tañrı Ta‘ālānuñ ‘aẕābıḳatıdur.

S. Meal (1534) 5:2

3

Ḥarām oldı üstüñüze murdār olmışlar, ḳanlar daḫı, ṭoñuz eti daḫı, daḫı ol kim boġazlandı Tañrı adınsuz, boġulmış ḥayvānlar daḫı, yinmişlerdaḫı, ṭaġdan düşenler daḫı, ḳoçlar biri birin öldürse daḫı, aṣlan yidügi daḫıḥarāmdur. Līkin boġazlasañuz ḥalāl olur. Ṣanemlere daḫı boġazlanan ḥarām‐dur, ezlām bile üleşilen daḫı ḥarāmdur. Ol Tañrıya ‘āṣī olmaḳdur. Bu günümīd kesdi kāfirler sizüñ dīnüñüzden, pes anlardan ḳorḳmañuz, bendenḳorḳuñuz. Bu gün tamām eyledüm size dīnüñüzi daḫı tamām itdüm üs‐tüñüze ni‘metlerümi, daḫı ben rāżī oldum size ki İslām dīni üstine ẟābitolasız, pes kim żarūrete düşse açlıḳdan, ḳaṣd eylemese yamanlıġı, Tañrı Ta‘ālāyazuḳlar baġışlayıcıdur, raḥmet idicidür.

S. Meal (1534) 5:3

4

Yā Muḥammed ṣorarlar senden ki ne nesne ḥalāl oldı özlerine. Eyit: Ḥalāl oldısize yaḫşı ni‘metler, daḫı ne ki ögretseñüz ḳuşlardan, itlerden ögredürsizanlara siz ögretdüginden, ḳorḳuñuz Tañrı Ta‘ālādan, pes yiñüz anlardutduġı avlardan sizüñ‐çün, daḫı ẕikr eyleñüz Tañrı adını anuñ üstine,ḳorḳuñuz Tañrı Ta‘ālādan, taḥḳīḳ Tañrı Ta‘ālā tiz ḥisāb eyleyicidür.

S. Meal (1534) 5:4

5

Bu gün ḥalāl oldı size yaḫşı ni‘metler, daḫı yimegi Yehūdilerüñ ve Naṣrāni‐lerüñ ḥalāldur size ve sizüñ yimegüñüz ḥalāldur anlara. Daḫı yaḫşı ‘avratlar mü’minlerden ve yaḫşı ‘avratlar ḥalāldur size kitāb ehli ḳızlarından ki siz‐den burun anlara kitāb geldi. Ḳaçan virseñüz anlara mehrlerini evlenmekbile zinā‐y‐ıla degül, ‘avratları dost idinmek bile daḫı degül daḫı kim kāfirolsa īmāna, taḥḳīḳ ‘ameli bāṭıl olur, daḫı ol āḫiretde ziyānlulardandur.

S. Meal (1534) 5:5

6

İy īmān getürenler, ḳaçan namāza dursañuz pes yuñuz yüzlerüñüzi veellerüñüzi dirseklere dek, daḫı silüñüz başlaruñuzı, ayaḳlaruñuzıdaḫı ökçelere dek. Eger cünüb olsañuz arınuñuz ve eger ḫasta olsañuz yāseferde olsañuz, yā sizüñ birüñüz ṣu dökmekden gelse, yā ‘avratlara yitiş‐señüz ṣu ṭapmasañuz teyemmüm eyleñüz, aru ṭopraḳ bile silüñüz yüzle‐rüñüzi, ellerüñüzi daḫı ol ṭopraḳdan. Tañrı Ta‘ālā dilemez dīnde size zaḥmet eylemege, līkin diler sizi arıda, daḫı tamām ide ni‘meti üstüñüze, olakim şükr eyleyesiz.

S. Meal (1534) 5:6

7

Daḫı añuñuz Tañrı ni‘metlerini üstüñüze daḫı ol ‘ahd ki sizüñle muḥkemeyledi anı, ol vaḳt ki eyitdüñüz işitdük, muṭī‘ olduḳ. Tañrıdan ṣaḳınuñuz,taḥḳīḳ Tañrı Ta‘ālā bilicidür yürekden geçen fikrleri.

S. Meal (1534) 5:7

8

İy īmān getüren kişiler, oluñuz ḥaḳ üstine durıcılar, Allāh içün ṭanuḳlar ‘adl bile. Daḫı sizi yamanlıġa düşürmesin bir ḳavm yamanlıġı ki ‘adleylemeyesiz. ‘Adl eyleñüz, ol ‘adl eylemek yaḳınraḳdur taḳvāya. Allāhdanḳorḳuñuz, taḥḳīḳ Tañrı Ta‘ālā bilür sizüñ işledügüñüzi.

S. Meal (1534) 5:8

9

Tañrı Ta‘ālā va‘de eyledi īmān getürenlere, ‘amel‐i ṣāliḥ işleyenleregünāhların baġışlamaḳ daḫı ulu müzd.

S. Meal (1534) 5:9

10

Daḫı ol kişiler ki kāfir oldılar ve yalanladılar āyetlerümüzi, anlar cehennemehlidür.

S. Meal (1534) 5:10

11

İy īmān getüren kişiler, añuñuz Tañrı ni‘metlerini sizüñ üstüñüze ki ḳaṣdeyledi bir ḳavm ellerin uzatmaġa size sizi öldürmeg‐içün, men‘ eyledi elle‐rini anlaruñ sizüñ üstüñüzden. Ṣaḳınuñuz Tañrıdan, daḫı Tañrı Ta‘ālāya ṣıġınsun mü’minler.

S. Meal (1534) 5:11

12

Taḥḳīḳ aldı Tañrı Ta‘ālā Benī İsrā’īlden ‘ahdlerini. Daḫı gönderdük anlaraon iki naḳīb. Daḫı eyitdi Tañrı Ta‘ālā anlara: Ben sizüñ‐ile‐men eger durġur‐sañuz namāzı, daḫı virseñüz zekātı ve inansañuz benüm peyġamber‐lerüme, ḥürmet eyleseñüz anlara, borç virseñüz Tañrı Ta‘ālāya yaḫşı borçvirmek, giderür‐men sizden günāhlaruñuzı, daḫı givürür‐men sizi uç‐maḳlara ki aḳar aġaçları altından ırmaḳlar. Kim kāfir olsa andan ṣoñra sizden, taḥḳīḳ azmışdur doġru yoldan.

S. Meal (1534) 5:12

13

Anlar ‘ahdlerini bozduġı‐çun la‘net eyledük anlara, daḫı ḳılduḳ anlaruñyüreklerini ṭaşdan ḳatı. Giderürler Tañrı kelimelerin yirlerinden. Daḫıunutdılar naṣīblerini ol ẕikrden ki daḫı hemīşe muṭṭali‘ olursın anlaruñ ḫāyinlıġına, līkin az kişi anlardan ḫāyinlıḳ eylemezler. Pes ‘afv eyle anlardan,daḫı geç ṣuçlarından, Tañrı Ta‘ālā sever muḥsinleri.

S. Meal (1534) 5:13

14

Daḫı ol kişilerden kim eyitdiler: Biz Naṣrāniler‐biz. ‘Ahdlerini alduḳ, unut‐dılar naṣīblerini ol ẕikrden ki indi anlara. Pes bıraḳduḳ anlar ortasın‐da düşmānlıġı, buġż eylemegi daḫı ḳıyāmet günine degin. Daḫı ḫaber virsegerek anlara Tañrı Ta‘ālā anlar işledügi işleri.

S. Meal (1534) 5:14

15

İy kitāb ehli, taḥḳīḳ geldi size bizüm peyġamberümüz, beyān eyler size çoḳnesneyi kim ṣaḳlarduñuz kitābdan, daḫı ‘afv eyler çoḳ nesneden. Taḥḳīḳgeldi size Tañrıdan nūr daḫı beyān idici kitāb.

S. Meal (1534) 5:15

16

Hidāyet virür anuñ‐ıla Tañrı Ta‘ālā ol kişilere kim uyalar rāżılıġına selāmetlıḳyolına. Daḫı çıḳarur anları ḳarañuluḳdan aydınlıġa iẕni bile, daḫı hidāyetvirür anlara doġru yol[a].

S. Meal (1534) 5:16

17

Taḥḳīḳ kāfir oldılar ol kişiler ki eyitdiler: Tañrı Meryem oġlı‐durur didiler. Eyit yā Muḥammed: Kim men‘ eyler Tañrıdan bir nesneyi, eger dilese helākeylemege Meryem oġlı ‘Īsāyı, anasını daḫı? Yir ehli daḫı barça TañrıTa‘ālānuñdur, gökler pādişāhlıġı, yirlerüñ daḫı, ikisinüñ arasında olannesne daḫı. Yaradur her ne kim dilese. Daḫı Tañrı Ta‘ālā her nesneye ḳādir‐dür.

S. Meal (1534) 5:17

18

Yehūdiler eyitdiler, Naṣrānīler daḫı eyitdiler: Biz Tañrınuñ oġlanlarıyuzdidiler, daḫı dostları. Eyit yā Muḥammed: Pes niçün ‘aẕāb ider size günāh‐laruñuz‐ıla? Bel ki siz ādem oġlısız, bir niçesinden yaratduġı ḫalḳuñ. ‘Afv ey‐ler kime dilese, daḫı ‘aẕāb ider kime dilese. Daḫı Tañrı Ta‘ālānuñdur gök‐ler pādişāhlıġı, yirlerüñ daḫı, ikisinüñ arasında olan daḫı. ‘Āḳıbet varmaḳḥażretinedür.

S. Meal (1534) 5:18

19

İy kitāb ehli, taḥḳīḳ size geldi bizüm peyġamberümüz beyān eyler size, peyġamberler kesildügi zamānda, ḥattā ki eyitmeyesiz gelmedi bize muştıla‐yıcı cenneti, ne daḫı ḳorḳıdıcı cehennemden. Taḥḳīḳ geldi size muştılayıcıve ḳorḳıdıcı. Daḫı Tañrı Ta‘ālā barça nesneye ḳādirdür.

S. Meal (1534) 5:19

20

Ẕikr eyle ol vaḳtı ki eyitdi Mūsā ḳavmine: İy ḳavm, ẕikr eyleñüzTañrınuñ ni‘metlerini sizüñ üstüñüze ki sizden nebīler yaratdı, daḫı sizdenmelikler yaratdı. Daḫı virdi size ol nesneyi kim kimseye virmedi ‘ālemler‐den.

S. Meal (1534) 5:20

21

İy ḳavmüm, girüñüz muḳaddes yire ki Ḳudüs iḳlīmidür. Ol kim yazdıTañrı Ta‘ālā size ġazālıġ‐ıçun. Daḫı dönmeñüz ardlaruñuza pes dünyā veāḫireti ziyān idüp ḳaytarsız.

S. Meal (1534) 5:21

22

Eyitdiler: Yā Mūsā Ḳudüs iḳlīminde cebbār, mütekebbir ḳavm vardur.Taḥḳīḳ biz aña girmez‐biz anlar çıḳmayınca. Eger anlar çıḳsalar andan bizgirürüz.

S. Meal (1534) 5:22

23

Eyitdi iki kişi anlardan kim ḳorḳarlar Tañrıdan, ni‘metler virmişdür TañrıTa‘ālā ikisine: Girüñüz anlar üstine ḳapudan, pes ḳaçan andan girseñüz siz ġālib olursız, daḫı Tañrı Ta‘ālāya ṣıġınuñuz eger siz mü’minler‐iseñüz.

S. Meal (1534) 5:23

24

Eyitdiler: İy Mūsā didiler, biz hergiz girmezüz niçe kim anlar anda dururlar. Pes varsañ Çalabuñ birle ṣavaş eyleñüz, biz bunda oturmış‐biz.

S. Meal (1534) 5:24

25

Mūsā eyitdi: İy Çalabum ben mālik degül‐men illā nefsüme ve ḳardaşuma.Ayır bizüm ortamuzda, daḫı fāsıḳ ḳavmler ortasında.

S. Meal (1534) 5:25

26

Eyitdi Tañrı Ta‘ālā Ḳudüse girmek ḥarām oldı anlara ḳırḳ yıl. Azsunlar yiryüzinde. Pes ḳayġu[r]ma fāsıḳlar ḳavmleri.

S. Meal (1534) 5:26

27

Daḫı oḳı yā Muḥammed anlar üstine ādemüñ iki oġlınuñ ḫaberini ḥaḳḳ‐ıla.Ḳaçan kim ikisi ḳurbān eyledi, birisinüñ ḳurbānı ḳabūl oldı ve birisindenḳabūl olmadı ḳurbānı. Ḳabūl olmayan eyitdi ḳardaşına: Ben seni öldürür‐mendidi. Ol eyitdi: Tañrı Ta‘ālā ḳabūl eylemez illā yaḫşılardan.

S. Meal (1534) 5:27

28

Eger ḳoluñı uzatsañ beni öldürmeg‐içün, ben ḳolumı uzatmazın sañaseni öldürmeg‐içün. Taḥḳīḳ ben ḳorḳar‐men Tañrıdan ki ‘ālemlerüñ Çalabıdur.

S. Meal (1534) 5:28

29

Ben ister‐men ki benüm yazuġum götüresin senüñ yazuġuñ bile, olasıncehennem ehlinden. Ol cehennem odı cezāsıdur ẓālimlerüñ.

S. Meal (1534) 5:29

30

Nefsine muṭī‘ oldı ḳardaşını öldürmekde, öldürdi anı, pes dünyā ve āḫiretziyānlularından oldı.

S. Meal (1534) 5:30