Cemil Said · MealMerkezi.Net

1

Elif Lâm Mîm

C. Said 30:1

2

Rumlar mağlûb olmuş idiler.

C. Said 30:2

3

Bu da yakın bir memleketde vukû’a gelmişdi. Lâkin bu mağlûbiyetden bir kaç sene sonra ânlar gâlib geleceklerdir.

C. Said 30:3

4

4,5. Evvel ve âhir her şey Allâh’dandır. Allâh’ın ’inâyetiyle husûle gelecek gâlibiyetden mü’minler ferâh bulacaklardır. Allâh kime ister ise âna nusret ider, ’azîz ve rahîmdir.

C. Said 30:4

5

4,5. Evvel ve âhir her şey Allâh’dandır. Allâh’ın ’inâyetiyle husûle gelecek gâlibiyetden mü’minler ferâh bulacaklardır. Allâh kime ister ise âna nusret ider, ’azîz ve rahîmdir.

C. Said 30:5

6

Allâh’ın va’di böyledir, va’dinde halef itmez, lâkin insânların ekserîsi bilmez.

C. Said 30:6

7

Dünyâ hayâtının yalnız zâhiriyâtını bilürler ve âhiretden gâfildirler.

C. Said 30:7

8

Düşünmediler mi ki Allâh semâvâtı ve arzı ve ikisi beyninde bulunanları mahzâ hak içün yaratdı ve ânların müddet-i devâmları evvelce mu’ayyendir. Fakat insânların ekserîsi kıyâmet güni rablerinin huzûrına çıkacaklar, yine inanmazlar.

C. Said 30:8

9

Arz üzerinde seyahat itmediler mi? Kendilerinden evvel gelenlerin ve kendilerinden kuvvetli olanların ’âkıbetleri ne oldığını görmediler mi? Ânlar memleketlerini i’mâr itmişlerdi, kendilerinden daha vâsi’ arâzide iskân iylemişlerdi. Nezdlerine mu’cizeler ile rasûller geldi. Allâh ânlara zulüm itmedi ânlar kendi nefslerine zulüm iylediler.

C. Said 30:9

10

Seyyiâtda bulunanların ’âkıbeti fenâ oldı. Bizim âyâtımızı tekzîb ve hedef-i istihzâ iyledilerdi.

C. Said 30:10

11

Allâh evvelâ halk ider sonra tekrâr diriltir. Hepiniz âna rücû’ ideceksiniz.

C. Said 30:11

12

) Gün ve sâ’at geldiği vakit mücrimler sükût idecekler.

C. Said 30:12

13

Koşdukları şerîkler tarafından şefa’at görmeyecekler ve şerîkleri inkâr iyleyeceklerdir.

C. Said 30:13

14

Sâ’at (kıyamet) başladığı gün insânlar biri birilerinden ayrılacaklar.

C. Said 30:14

15

Fakat îmân idenler ve a’mâl-i sâlihada bulunanlar çiçek bağçesinde mesrûr olacaklardır.

C. Said 30:15

16

Fakat küfür idenler ve âyâtımızı tekzîb ve âhiretde huzûrımıza çıkacaklarını inkâr idenler ’azâba dûçâr olacaklardır.

C. Said 30:16

17

Akşam ve sabah Allâh’a şükür ve hamd idiniz.

C. Said 30:17

18

Semâvâtda ve arzda cümlenin hamd ve salâtı Allâh içündir. Gicenin hulûlüne yakın ve öğle vakti Allâh’a hamd idiniz.

C. Said 30:18

19

Allâh ölüden diri çıkarır ve diriyi ölü yapar kurımış toprağı ihyâ ider siz de bu vecihle tekrâr kabirden dirileceksiniz.

C. Said 30:19

20

Sizi toprakdan halk itmiş olması (kudretinin) bir delîlidir sonra her tarafa intişâr iden âdemler oldınız.

C. Said 30:20

21

Sizinle birlikde oturmak içün sizden husûle gelen zevcelerinizi de halk itmesi de ayrı bir delîldir beyninizde muhabbet ve meveddet yaratdı bu tefekkür iden kavme bir ders-i ’ibretdir.

C. Said 30:21

22

Semâvât ve arzın yaratılması ve lisân ve renklerinizin tehallüfi de bir nişânedir. Bunlar bütün ’âlem içün mûcib-i ’ibretdir.

C. Said 30:22

23

Gice ve gündüz uyumanız ve Allâh’ın lütfundan servete nâil olmak arzu iylemeniz yine bu delâildendir anlayan kavme bu da bir ders-i ’ibretdir.

C. Said 30:23

24

Size havf ve aynı zamânda yağmur ümîdi viren şimşek çakması ve ölmüş toprağa hayât bahş iden yağmurun inzâli yine bu delâildendir, te’akkul iden kavim içün bu da bir ders-i ’ibretdir.

C. Said 30:24

25

Semâ ve arzın emriyle pâyidâr olması yine bu delâildendir sonra yerin içinden sizi çağırdığı vakit derhâl çıkacaksınız.

C. Said 30:25

26

Semâvâtda ve arzda ne var ise Allâh’ındır, Allâh’a tâbi’dir,

C. Said 30:26

27

Mahlûkâtı yaratan ve yine ihyâ idecek olan odur bu ânın içün kolaydır semâvâtda ve arzda bu kudret ’âlî derecede nümâyândır Allâh ’azîz ve hakîmdir.

C. Said 30:27

28

Sizin nefsinize ’âid meseller de darb ider: Kendi eliniz ile yetişdirdiğiniz köleleri size ihsân itdiğimiz gün hisseleri sizin hisselerde müsâvî olan hür şerîkler gibi çekiniyor mısınız? [1] İşte tefekkür iden kavme âyâtımızı bu vecihle tafsîl ideriz.

C. Said 30:28

29

Bilmeksizin hevâ ve hevesine tâbi’ olanlar ancak zâlimlerdir, Allâh’ın dalâlete sevk itdiğini kim hidâyete sevk idebilür, kim âna zahîr olabilür?

C. Said 30:29

30

Yâ Muhammed! Takvâ ile vechini hanîf (sahîh) olan bu dîne tevcîh it, Allâh bu dîni insânlar içün yaratmışdır. Allâh’ın halk itdiği değişemez bu dîn lâyetegayyerdir lâkin insânların ekserîsi bilmezler.

C. Said 30:30