Efendi Nahi · MealMerkezi.Net

1

Kâf. Pasha Kur’anin e madhërueshëm,

E.Nahi 50:1

2

Po, ata janë çuditur që nga mesi i tyre u ka ardhur një paralajmërues, e mohuesit thonë: “Kjo gjë është e çuditshme”.

E.Nahi 50:2

3

Vallë, a pasi të vdesin e të bëhemi dhé (do të ringjallemi)? Ai kthim është i largët!”

E.Nahi 50:3

4

Na dimë çka do t’ua mungojë toka atyre (pasi të vdesin), te Ne është Libri që i ruan të gjitha.

E.Nahi 50:4

5

Aq më tepër, ta e mohuan të Vërtetën kur u erdhi dhe ata janë në gjendje të luhatshme (në çështjen e profetnisë).

E.Nahi 50:5

6

A, nuk e kanë shikuar ata qiellin që qëndron mbi ta, si e kemi ndërtuar dhe zbukuruar, e i cili nuk ka kurrfarë të mete (çrregullimi)!

E.Nahi 50:6

7

E, Tokën e kemi shtruar dhe në të kemi shpërndarë male të palëvizshme dhe kemi bërë që nga ajo të mbijnë gjithfarë lloj bimësh të bukur,

E.Nahi 50:7

8

për t’u menduar dhe këshilluar çdo rob që i drjtohet Zotit të vet.

E.Nahi 50:8

9

Ne nga qielli lëshojmë ujin (shiun) e bekuar dhe bëjmë që me të, të ujiten kopshtijet dhe drithërat që korren.

E.Nahi 50:9

10

Dhe palmet e hurmës së lartë me kalavesh njëri mbi tjetrin,

E.Nahi 50:10

11

ushqim për robërit (njerëzit), dhe Ne me shi e ringjallim tokën (visin) e vdekur; e kështu do të jetë edhe dalja (prej tokës – ringjallja).

E.Nahi 50:11

12

Pas tyre, kanë mohuar populli i Nuhut, edhe banorët e Ressit dhe Themudi,

E.Nahi 50:12

13

dhe Adi dhe Faraoni, dhe vëllezërit (populli) e Lutit,

E.Nahi 50:13

14

edhe banorët e Ejkës dhe populli i Tubbas; të gjithë ata i kanë përgënjeshtruar pejgamberët dhe ndaj tyre u sendërtua dënimi Im.

E.Nahi 50:14

15

E, vallë, mos jemi lodhur Ne gjatë krijimit të parë? Jo, por ata dyshojnë në krijimin e sërishëm.

E.Nahi 50:15

16

Na e kemi krijuar njeriun dhe Na dimë çka i pëshpërit shpirti atij, se Ne (me dijeninë Tonë) jemi më afër se damari i tij i qafës,

E.Nahi 50:16

17

(dhe nga të dy engjëjt) të cilët i rrinë atij nga ana e djathtë dhe e majtë,

E.Nahi 50:17

18

dhe ai nuk e thotë asnjë fjalë e që pranë tij të mos jetë ai që mbikëqyrë.

E.Nahi 50:18

19

Mundimet e vdekjes do të arrijnë me siguri – kësaj nuk mund t’i ikësh

E.Nahi 50:19

20

dhe do të fryhet në Sur – kjo është Dita e premtimit –

E.Nahi 50:20

21

dhe çdonjëri do të vijë, e me të ka grahës dhe dëshmitar.

E.Nahi 50:21

22

Ti, me të vërtetë, ke qenë i pakujdesshëm për këtë (momentin e vdekjes), andaj ta kemi ngritur perden (e syve), dhe shikimi yt sot është i prehtë.

E.Nahi 50:22

23

E, shoku i tij do të thotë: “Ky pranë meje, është i gatshëm”

E.Nahi 50:23

24

(u thuhet): “Hidheni në zjarr çdo mohues inatçi,

E.Nahi 50:24

25

pengues i të mirave, që kalon (kufirin) dhe i cili dyshon (në fé),

E.Nahi 50:25

26

i cili, pos Perëndisë, beson në zot tjetër – andaj hidhe atë në dënimin më të rëndë!”

E.Nahi 50:26

27

E, shoku i tij do të thotë: “O Zoti ynë, unë nuk e kam mashtruar atë, por ai vet ka qenë në humbje të madhe”.

E.Nahi 50:27

28

Atyre (Perëndia) do t’ju thotë: “Mos u grindni para Meje, Unë ju kam lajmëruar premtimin (dënimin),

E.Nahi 50:28

29

Fjala Ime nuk ndryshohet dhe Unë nuk jam zullumqar i robërve të Mi”.

E.Nahi 50:29

30

Në Ditën kur do ta pyesin xhehennemin: “A u mbushe?” e ai, përgjigjet: “A ka edhe më?”

E.Nahi 50:30